IKT

IKTn garapenak aldaketa handiak ekarri ditu bai komunikazioaren eta informazioaren alorrean, baita ezagutzara sarbide izateko aukeretan ere. Gizartea erabat aldatu du eta, honekin, mundua ikusteko dugun modua ere erabat aldatu da. Gainera, garapen teknologiko honen bilakaerak etengabeko aldaketak iragartzen ditu. Hau horrela, Samaniego Herri Ikastetxeak etengabeko gogoeta ezarri nahi du esparru honetan eta IKTak integratzen jarraituko du bere ikasleen ikasketa prozesuetan, hauek eskaintzen dituzten abantaila guztiez baliatuz eta, ikasleak arlo honetan ahaldunduz.

IKTek eskaintzen dizkiguten abantailak ikasle guztiek aprobetxatu ditzaten, gure eskolak funtzio konpensatzailea bete nahi du. Horregatik, 3. mailatik aurrerako ikasle guztiek “chromebook” bana izango dute ikasgeletan, IKTen esparruan herritar konpetente izan daitezen beharrezko ezagutzak eskuratzeko baliatuko direnak.

Honetaz gain, aniztasunari erantzuteko baliabide paregabea ere badira, eta honetan ere jarriko ditugu gure indarrak, noski.

Amaitzeko, IKTen erabilera desegokiak gure ikasleengan izan ditzakeen kalteez ere jakitu gara. Horrexegatik uste dugu inoiz baino garrantzitsuagoa dela ikasleak arlo honetan ahalduntzea eta ikastetxeak bide-orri argi bat izatea gai honekiko. Horretarako, ikastetxeak bere proiektu digital propioa garatu du.